PLOMM EXPO
Klammt an en besonneschen Zuch, deen Iech matten an d’Häerz vun eisem Planéit bréngt, op genau déi Plaz, wou d’Léift wunnt. Do verstoppt sech eng eenzegaarteg Energiequell, di d’Äerd an seng Matbewunner brauche fir ze iwwerliewen. Är Missioun? Reest mat eis dohin a belieft des Quell, fir dass se wieder spruddele kann!
Bis August 2025 ze gesinn,
LOVE ass di éischt temporär Ausstellung, di am PLOMM zu Wolz gewisen gëtt. Entwéckelt gouf se vum pedagogeschen PLOMM-Team ënnert der kënschtlerescher Leedung vun dréi internationalen Kënschtler.
Léift ass eng universell Erfarung an trotzdeem fillt sech all Léift ganz eenzegaarteg un
Duerch kënschtleresch an intuitiven Design féiert des Rees d’Kanner zu neie Siicht- an Denkweisen iwwert Léift an all hire Formen. Wärend hirer Rees wäerten si di vill verschidden Installatiounen erfuerschen an ëmmer rëm Néits fir unzepaken, unzekucken, nozelauschteren an ze spillen entdecken. Sie kennen ënnert anerem musikalesch Stécker baséierend op hiren eegenen Häerztéin komponéieren oder duerch en Bësch aus Kuschelsteng wanderen an hier Emaarmunge spieren.
D’LOVE-Ausstellung ass sou geduecht, dass Visiteuren nei Méiglechkeete kréien, wéi si iwwert Léift schwätze kennen, ouni dobäi awer onbedéngt Wieder ze benotzen, mee sech vill méi op Konscht a Spill verloosse kennen, fir sech auszedrécken.